許冠傑

     腐朽化神奇 - 許冠傑 
     曲︰許冠傑
     詞︰許冠傑／黎彼得

     點解冇心機　成日自己谷氣
     郁下就要死　話冇存在趣味
     猛鬧唔合理　成日WUN o向屋企
     充滿自卑心理　冇晒癮鬼咁悲

   ＊駛乜冇心機　其實做o左鄉里
     不要自欺　就有存在趣味
     切勿忘記　前路每多生機
     祗要立心爭氣　你會向高處飛

   ＃人生難免多傷悲　何必呼天搶地
     人生猶如做緊戲
     NG o左 TAKE TWO o黎過
     就腐朽化神奇

     重唱　＊,＃,＃

     NG o左 TAKE TWO o黎過
     就腐朽化神奇

     日本娃娃 - 許冠傑 
     曲︰許冠傑
     詞︰許冠傑

     尋晚響東急踫正個日本娃娃
     對眼特別大　仲有尖尖既下巴
     有Ｄ似中森明菜　唔係講假
     趣怪又特別　直頭日本化

     求愛敢死隊我屬御三家
     最注重浪漫　又夠風騷夠肉麻
     戴起副紫色太陽鏡　人就瀟灑
     百五磅魅力　實行大轟炸

     HELLO KONBAWA 小姐你好嗎
     WATASHI WA HONG KONG NO MATCHY DESU
     ANATAWA TOTEMO KAWAI
     實行用架文跟佢 FRIEND 下

     同佢去 HAPPY 跳上架 TOYOTA
     去晚飯直落　共舞於 CASABLANCA
     趁高興飛身上台唱 CARELESS WHISPERS
     再散步月下　連除幻想下

     娶左娃娃　即刻就變晒身價
     洗衫煲湯 DUP 骨鍊背脊遞茶
     1997 哈果陣無有駛怕
     實行住原宿　開間 SUSHI BAR

     同佢去宵夜我叫 TEMPURA
     佢叫立立雜雜刺身鬼咁豪華
     嗌找數三千零八　成份身家
     佢笑住仲話 ARIGATO GOZAIMASHITA

     陪佢番 LOBBY 企正個日本爸爸
     佢眼掘掘　大喝聲 NAN DESU KA
     亞女佢今年唔夠 16 AND A HALF
     佢劍道十段　話同我鍊下

   ＊SAYONARA 忍著淚說 GOODBYE 喇
     THANKS THANKS THANKS THANKS MONICA
     摸摸個袋　唉駛淨八個幾咋
     蝕埋份糧添　呢次衰左喇

     重唱　＊

     尖沙咀SUZIE - 許冠傑 
     曲︰許冠傑
     詞︰許冠傑／黎彼得

     有佢咁靚時冇佢咁夠盞
     尖沙咀SUZIE　點止咁簡單
     樣貌與身材　GOOD FIT夾耀眼
     想搵多個都幾難

     佢o下o下要有型個性最好玩
     出名鍊車王o向青山鬥片彎
     日日喫幾籠蝦餃當食晏
     思想開放　好識嘆

   ＊尖沙咀SUZIE　駛乜憂兩餐
     佢老竇勤力慣
     o向街巿賣鴨蛋
     尖吵咀SUZIE　屋企多靚衫
     橙溝綠　米襯藍
     套套惹火搶眼

   ＃佢碰見猛男對眼會猛咁眨
     風騷兼銷魂乜都笑一餐
     密密去DISCO　通宵到達旦
     攬身攬勢都好閒

   ＋有佢咁野蠻冇佢咁夠膽
     尖沙咀SUZIE　死都拗番生
     但望亞SUZIE　光陰咪亂散
     青春一去空悲嘆

     重唱　＊,＃,＋

     天才白痴往日情 - 許冠傑 
     曲︰許冠傑
     詞︰許冠傑／薛志雄

     痛別離　惜分飛
     緣份一朝忍心拋棄
     往日情未泯泣咽悽聲怨蒼天太狠

     鳥倦還　影孤單
     無奈美夢頃刻吹散
     往日情未泯泣咽悽聲怨蒼天太狠

   ＊暴雨中相親相與共
     夢已空　太匆匆
     淚暗湧　偷偷心底送
     遍地紅葉怨秋風

   ＃再會難　呼不返
     寒夜對月幾番嗟歎
     往日情未泯泣咽悽聲怨蒼天太狠

     重唱　＊,＃

     打雀英雄傳 - 許冠傑 
     曲︰劉杰
     詞︰許冠傑／黎彼得

     六嬸　三太公
     大眾開檯喇面似蓮蓉
     又放工　打餐懵
     圍埋砌幾圈　論呀論英雄
     誰是大英雄　〔大英雄！〕

     六手　〔上！〕
     三隻東　〔碰！〕
     度到o岩呢　三吊二五六筒　〔死啦！〕
     截正糊　〔噓〕　真陰功
     「騰騰」震呀　嬲到面呀面都紅

     上下家　搏晒懵
     依呀鬆鋼眨眉眨眼打籠通
     係咁鬆　正衰公
     丫難為「乙水」仔會浸呀浸蛟龍

     亂咁質　真勢兇
     學到足　關帝坐鎮華容
     恨滿胸　裹蒸粽
     「UP UP」貢　好似大呀大燈籠

     大相公　小相公
     遇老千　Ｄ張法亂晒大籠
     食詐糊　包出沖
     「乙水乙水」轉　好似大呀大灰熊

     執左位　起過風
     移燈換凳洗手食煙「熨」櫃桶
     轉下運　哈哈　確唔同
     丫連除喫幾鋪　我露呀露歡容

     混一色　碰七筒
     一KARN白板發財做眼槓紅中
     六八筒　叫卡窿
     丫原來咁鬼橋佢係呀係七筒

     崛尾龍　〔上！〕
     起勢攻　〔碰！〕
     大四喜渣晒南北西東　〔死啦！〕
     做牌　講天聰
     頻頻滿糊　我做呀做英雄
     時勢做英雄　〔大英雄！〕

     天才白痴夢 - 許冠傑 
     曲︰許冠傑
     詞︰許冠傑／薛志雄

     人皆尋夢　夢裡不分西東
     片刻春風得意　未知景物矇矓

     人生如夢　夢裡輾轉吉凶
     尋樂不堪苦困　未識苦與樂同

   ＊天造之才　皆有其用
     振翅高飛　無須在夢中

     南柯長夢　夢裡不知所中
     醉翁他朝醒覺　是否跨鳳成龍

     重唱　＊

     何必尋夢　夢裡甘苦皆空
     勸君珍惜此際　自當欣慰無窮
     何必尋夢

     半斤八兩 - 許冠傑 
     曲︰許冠傑
     詞︰許冠傑

     我o地呢班打工仔
     通街走糴直頭係壞腸胃
     搵o個些少到月底點夠洗〔奀過鬼〕
     確係認真濕滯

     最弊波士郁Ｄ發威〔癲過雞〕
     一味o係處係唔係亂o黎吠
     嗡親加薪塊面挪起惡睇〔扭o下計〕
     你就認真開胃

     半斤八兩　做到隻積咁o既樣
     半斤八兩　濕水炮仗點會響
     半斤八兩　夠薑呀"手查"支鎗走去搶
     出o左半斤力　想話"手羅"番足八兩
     家陣惡搵食　邊有半斤八兩咁理想〔吹漲〕

   ＊我o地呢班打工仔
     一生一世為錢幣做奴隸
     o個種辛苦折墮講出嚇鬼〔死俾你睇〕
     咪話冇乜所謂

     半斤八兩　就算有福都冇你享
     半斤八兩　慘過滾水淥豬腸
     半斤八兩　雞碎咁多都要啄
     出o左半斤力　想話"手羅"番足八兩
     家陣惡搵食　邊有半斤八兩咁理想〔吹漲〕

     重唱　＊

     沉默是金 - 許冠傑／張國榮 
     曲︰張國榮
     詞︰許冠傑
     編︰鮑比達

     夜風凜凜　獨回望舊事前塵
     是以往的我　充滿怒憤
     誣告與指責　積壓著滿肚氣不忿
     對謠言　反應甚為著緊

   ＊受了教訓　得了書經的指引
     現已看得透　不再自困
     但覺有分數　不再像以往那般笨
     抹淚痕　輕快笑著行

   ＃冥冥中　都早注定你富或貧
     是錯永不對　真永是真
     任你怎說　安守我本份
     始終相信沉默是金

   ＋是非有公理　慎言莫冒犯別人
     遇上冷風雨　休太認真
     自信滿心裡　休理會諷刺與質問
     笑罵由人　灑脫地做人

     重唱　＊,＃,＋

     少年人　灑脫地做人
     繼續行　灑脫地做人

     鬼馬雙星 - 許冠傑 
     曲︰許冠傑
     詞︰許冠傑

     為兩餐乜都肯制前世
     撞正輸晒心翳滯無謂
     求望發達一味靠搵丁
     鬼馬雙星綽頭勁

     亂搏懵撈偏門確唔o曳
     做慣監躉經已係成例
     求望發達一味靠搵丁
     鬼馬雙星眼晾晾

   ＊人生如賭博　贏輸都冇時定
     贏o左得餐笑　輸光唔駛興

     做老千梗好搵過皇帝
     扮蟹o賴o野真正係滑稽
     求望發達一味靠搵丁
     鬼馬雙星怕現形

     求望發達一味靠搵丁
     鬼馬雙星眼晾晾

     重唱　＊

     做老千梗好搵過皇帝
     扮蟹o賴o野真正係滑稽
     求望發達一味靠搵丁
     鬼馬雙星 (x3)
     〔唔　真係有型啊〕

     梨渦淺笑 - 許冠傑 
     曲︰許冠傑
     詞︰許冠傑／黎彼得

     梨渦淺笑　可知否奧妙
     寂寞心鎖暗動搖
     魂消魄蕩身飄渺
     被困擾　怎得共渡藍橋

     梨渦輕照　映出花月調
     但望相看慰寂寥
     時刻與共享分秒
     願折腰　今生效同林鳥

   ＊梨渦淺笑　似把君邀
     綺夢輕泛浪潮
     春宵猶未覺曉

   ＃梨渦雖俏　悲歡竟逆料
     樂極痴戀變恨苗
     情絲寸斷一朝了
     夢已消　花依舊玉人杳

     重唱　＊,＃

     夢已消　花依舊玉人杳

     最佳拍檔 - 許冠傑 
     曲︰許冠傑
     詞︰許冠傑

     你名叫叮噹　個樣似蜜糖
     平易近人清新開朗
     我名叫KING KONG　個款似JAMES BOND
     最佳拍檔

     咖啡你沖水　我加奶落糖
     你洗衫我將Ｄ衫燙
     我幫你搵錢　您幫我清倉
     最佳拍檔

   ＊有乜野衝撞　您跟我不妨
     拋開顧忌坐低講
     你需要幫忙　我梗會幫忙
     點樣辛苦都冇相干

   ＃您o向我身邊　我不再徬徨
     兩家一對膽都壯
     我一切擔當
     您不會驚慌〔您可以心安〕
     最佳拍檔

     重唱　＊,＃

     我地係最佳拍檔
     永遠係最佳拍檔

     天才與白痴 - 許冠傑 
     曲︰許冠傑
     詞︰許冠傑／薛志雄

     呢個世界上
     有精仔　有懵仔　有叻仔
     散仔　賭仔　重有戇居仔
     有衰仔　有好仔　反骨仔
     癲仔　蠢仔　重弊過敗家仔
     細蚊仔　臭飛仔　招積仔
     靚仔　打仔　亂咁出刀仔
     問你點敢亂生仔

     邊個係天才　〔天才〕
     邊個係白痴　〔白痴〕
     扮懵定蠢才　冇咁易會知　〔阿茂至知〕
     天才與白痴　你黐定我黐
     天才與白痴　冇咁易會知
     天才與白痴

     呢個世界上
     有冤鬼　有嘩鬼　有奸鬼
     賭鬼　盞鬼　重有咸濕鬼
     有衰鬼　有煙鬼　攝青鬼
     生鬼　撞鬼　撞著個冒失鬼
     醉酒鬼　吊靴鬼　醜死鬼
     假鬼　真鬼　亂咁鬼打鬼
     問你究竟攪乜鬼

     乜鬼係天才　〔天才〕
     乜鬼係白痴　〔白痴〕
     扮懵定蠢才　冇咁易會知　〔阿茂至知〕
     天才與白痴　你黐定我黐
     天才與白痴　冇咁易會知
     天才與白痴

     呢個世界上
     有堅野　有流野　有精野
     喎野　喳野　重有大鑊野
     有衰野　有好野　有筍野
     貴野　賤野　最掉忌就賴野
     醒胃野　林嬸野　正斗野
     靚野　杰野　最爽就撈粗野
     確係認真唔少野

     乜野係天才　〔天才〕
     乜野係白痴　〔白痴〕
     扮懵定蠢才　冇咁易會知　〔阿茂至知〕
     天才與白痴　你黐定我黐
     天才與白痴　冇咁易會知
     天才與白痴 (x3)

     共妳常為伴 - 許冠傑 
     曲︰馮添枝
     詞︰鄭國江

     共妳常為伴　時時開心不會悶
     若果肯跟我相伴　在心中霸地盤

     共妳常為伴　成為忠中伙伴
     願意一起挽手渡　人生的一半

     共妳常為伴　求能開解心裡悶
     願可分擔妳心事　用真心作後緩

     共妳常為伴　求能將心交換
     打開心窗說真話　情感的不滿

   ＊心中麻煩共苦惱　我願分一半
     幸運甜蜜共快樂　努力為妳搬

   ＃共妳常為伴　唯求今生不再換
     大家真心永不二　同敲快樂門

     重唱　＊,＃

     他朝榮譽共歡笑　我願分一半
     日後行前或退後　我願讓妳管

     共妳常為伴　成為終身伙伴
     共妳一起進入人生快樂門

     有酒今朝醉 - 許冠傑 
     曲︰美國民謠
     詞︰許冠傑／黎彼得

     童年就八歲　多歡趣　見到狗仔起勢追
     爺爺話我最興嗲幾句　買包花生卜卜脆
     跳o下飛機　街邊玩o下水
     爺爺重教我講呢一句　有酒應該今朝醉 (x2)

     行年十八歲　懶風趣　有名高級徒置區
     求其係派對仆倒去　見到咬嗚都請佢
     咪個謙虛　幾大充有水
     連隨問o下佢幾多歲　有酒應該今朝醉 (x2)

     行年廿八歲　金翡翠　鬢影衣香拖靚女
     同埋趙阿翠　雙雙對　結果卒之娶o左佢
     以為歲晚煎堆　點知雀聲跟o左老許
     無謂問過去　盞心碎　有酒應該今朝醉 (x2)

     行年六十八歲　腰骨都脆　阿o既風濕中氣衰
     人o地窒兩句　濕濕碎　我都o骨聲吞o左佢
     嘆o下雙蒸　打牌抽o下水
     回頭望過去　始終個句　有酒應該今朝醉 (x2)

     LA... 有酒應該今朝醉 (x5)

     學生哥 - 許冠傑 
     曲︰GOLDSTEIN
     詞︰許冠傑／黎彼得

     學生哥　好溫功課
     咪淨係掛住踢波
     最幣肥佬o左　冇陰公囉
     同學亦愛莫能助

     學生哥　好咪書囉
     咪日夜掛住拍拖
     顧住十幾科　科科喎
     面懵懵一肚火

   ＊螞蟻亦要搵o野食
     唔做事確係冇益
     少壯就要多努力
     來日望自食其力

     學生哥　要思己過
     唔係第日悔恨更多
     人之初　應知錯
     唔自立就會捱餓

     重唱　＊

     學生哥　一個個
     我o地日日記住隻歌
     人多多　RE ME RE DO
     齊合力唱詠同和