許冠傑

     雙星情歌 - 許冠傑 
     曲︰許冠傑
     詞︰許冠傑

     曳搖共對輕舟飄　互傳誓約慶春曉
     兩心相邀影相照　願化海鷗輕唱悅情調
     艷陽下與妹相親　望諧白首永不分
     美景醉人心相允　緣柳花間相對訂緣份

   ＊心兩牽　萬里阻隔相思愛莫變
     離別悽酸今朝似未見　明日對花憶卿面
     淚殘夢了燭影深　月明獨照冷鴛枕
     醉擁孤衾悲不禁　夜半飲泣空帳獨懷憾

     重唱　＊

     夜半飲泣空帳獨懷憾

     心思思 - 許冠傑 
     曲︰TERRY BRITTEN／LYNSEY DE PAUL
     詞︰林振強

     她使我心裡沒法靜止
     難專心一意地去辦事
     開始不知怎去"手查"筷子
     無力再控制我四肢

     真想與她抱著過日子
     而不想早晚獨對電視
     可惜她不知我的構思
     從沒有注意這漢子

   ＊〔長期在心思思〕永遠單思
     〔心思思〕晚晚咬手指
     〔心思思〕冇晒FACE
     〔心思思〕她始終不知

     她使我消瘦漸變樹枝
     和憂鬱得似玉置浩二
     真想登篇廣告於報紙
     詳述四百次我意思

   ＃〔長期在心思思〕永遠單思
     〔心思思〕愛到線都癡
     〔心思思〕猛咬草紙
     〔心思思〕她始終不知

     我開始尋找中醫與西醫
     〔WHY〕願醫好我痴
     中西醫　東指指西指指
     都醫不好我的痴
     今晚只有一再　心思思

     重唱　＊,＃,＊

     賣身契 - 許冠傑 
     曲︰許冠傑
     詞︰許冠傑／黎彼得

     蘇蝦仔未出世　都去搵玉皇大帝
     聽佢講番Ｄ世俗條例
     嚦起張賣身契　豈勢咁擰頭擰髻
     好坐低聽孤家講出一切

     喂　我要你架勢　你梗一家富貴
     我發起啷o黎　會將你墊屍底　認真巴閉
     簽番張賣身契　〔賣身契〕
     攪掂筆入境費　〔仲要洗禮〕
     咁蘇蝦仔至准出世

     蘇蝦仔大個o左啦喂　識拍拖學人o地曳
     一次偷雞喊亦無謂
     番香閨論婚禮　俾八姑窒頭窒勢
     好女婿　呢單認真襟計

     喂　你咪當免費　走精面咪制　〔咪制〕
     我聽錢駛　你好挖倉底　重要三牲酒禮
     簽番張賣身契　〔仲要屋契〕
     攪掂筆外母費　〔杰過西米〕
     咁蘇蝦仔至准出世

     香港地為生計　乜野都受人限制
     睇報紙多多制度條例
     加差餉電費水費　Ｄ"食送"乜愈來愈貴
     恩愛夫妻都頂心頂肺

     喂　咪太過閉翳　訓醫院更貴　〔太貴〕
     養班馬騮仔　有苦暗啞抵　仲要交足書簿費
     一張張賣身契　〔賣身契〕
     枕住咁累你一世　〔做到甩肺〕
     唉　總之一句柯彌吉帝　〔柯彌柯彌吉帝〕

     一張張賣身契　〔賣身契〕
     枕住咁累你一世　〔做到甩肺〕
     唉　總之一句柯彌吉帝o羅　前世

     佛跳牆 - 許冠傑 
     曲︰BLACKWELL
     詞︰許冠傑／黎彼得

   ＊咁o岩又茶樓齊共上　良朋談動向
     花雕DEP幾兩　閒來尋樂暢
     叫煲佛跳牆〔佛跳牆〕
     "火文"得咁鬼香

     計起就完全唔係貴　翅肚能潤肺
     鮑參"火文"光雞　髮菜同玉桂
     配料落到齊〔落到齊〕
     認真無得揮

   ＃肚佬黎　倒眼輝
     潺仔威　軟腳龜　o黎擦啦喂

     夾起呀連隨搽辣醬　確係怡神顏又養
     一於搵手搶　完全唔異相
     有福大家享〔大家享〕
     駛乜咁緊張

   ＋成班友　一咪啄
     含含〔擒擒〕聲　一咪啄
     唔怕肚漲

     重唱　＃,＊,＋

     佛跳牆〔佛跳牆〕
     "火文"得咁鬼香
     見到佛跳牆〔佛跳牆〕
     鬼都要裝香
     正宗佛跳牆〔佛跳牆〕
     "火文"得咁鬼香
     見到佛跳牆〔佛跳牆〕
     鬼都要裝香
     超級佛跳牆〔佛跳牆〕
     "火文"得咁鬼香
     見到佛跳牆〔佛跳牆〕
     鬼都要裝香

     最緊要好玩 - 許冠傑 
     曲︰許冠傑
     詞︰林振強

   ＊人其實天生奔放貪玩
     原沒有拘束只有笑顏
     悲觀我唔慣　追趕太陽似子彈

     乘坐穿梭機打個空翻
     雲霧裡縛起雙腳跳欄
     威風似神探　追蹤愛神眼不眨

     我想攀登火山　執塊石頭用黎煎蛋
     其實開心好簡單　最緊要好玩

   ＃我願抬著午夜明月對你單眼
     星光之上扯起帳幕與你浪漫
     我願停頓宇宙凝望你那雙眼
     使你無從忘掉這魅力先生

     乘坐穿梭機打個空翻
     雲霧裡縛起雙腳跳欄
     追蹤太陽去　不准太陽早交更

     重唱　＊

     我想踩三輪車　登陸月球賣牛腩飯
     其實開心好簡單　最緊要好玩

     重唱　＃

     其實我天生奔放貪玩
     唔恨有獎品只要笑顏
     不須有人讚　只須我仍覺好玩 (x2)

     話知你９７ - 許冠傑 
     曲︰許冠傑
     詞︰許冠傑

     我話知你９７
     其實駛乜驚到求神又拜佛〔大喊十〕
     已經胃酸過多夾風濕〔重有久咳〕
     成日閉翳實聽喫弗得〔重快執笠〕

   ＊未有耐到９７
     手拿起枝筆數o下二千零廿八日〔駛乜急〕
     已經預o左冇法走得甩〔又冇SHORT CUT〕
     移民外國亦係聽糟質

   ＃咪匿o向屋企　速速CALL機
     CALL班知己　睇番齣無厘頭攪笑戲
     卡拉ＯＫ　堆樽拔蘭地　HIGH HIGH o地
     高聲亂唱再去旺角打機

   ＋買份八卦雜誌睇o下大姐媚
     及o下邊個整容後揚威選美
     明日懶鬼理　最緊要依家HAPPY
     話知佢死

   ％我話知你９７
     其實香港適應力強未嚇窒〔好鍊得〕
     斷估或者到o左９７〔又變o左乜〕
     繁榮盛世度度有金執

     重唱　＊,＃,＋,％

     斷估或者到o左９７〔實刮多筆〕
     人人暴發　MY FRIEND GOOD LUCK
     〔GOOD LUCK, GOOD LUCK, GOD BLESS 1997　阿彌佗佛〕

     加價熱潮 - 許冠傑 
     曲︰DE KNIGHT-FREEDMAN
     詞︰許冠傑／黎彼得

     你怕我怕個個怕　煙加酒加屋租加
     巴士加　的士加　多士芝士乜都加
     加加加加加加

     糖又加　鹽又加　成日咁加
     任佢話　其實無它　你住人屋宇下
     佢梗收買路錢　挪兩咋
     買佢怕　買佢怕　要加就加　總之慣啦

     牛油又加　蠔油又加
     燃油又話每卡七個六　其實無它
     佢石油多到極　可惜真金白銀貶晒值
     無法啦　無法啦　佢加就加　都由佢啦

     紅荳沙　茶葉渣　全部要加
     慘到極　陀累全家　靠份糧點夠食
     卒之榨到豉油都無滴
     夠啦卦　夠啦卦　咪枕住加　喂好啦卦

     時時話加　年年話加　無盡咁加
     趕到絕　求助哪吒　我望能生對翼
     即刻飛上月球　再搵過飾
     冇有怕　冇有怕　佢加就加　拜拜啦

     加加加　加加加加加 (x2)
     我怕怕　我怕怕怕怕怕
     加加加　加加加加加
     我怕怕　我怕怕怕怕怕
     加加加　加加加加加

     人人話加　頻頻話加
     成日咁加　任佢話　其實無它
     我做人多說話　o係Ｄ加價熱潮風氣下
     八下卦　八下卦　發起爛渣　谷鬼氣嗎

     摩登保鑣 - 許冠傑 
     曲︰許冠傑
     詞︰許冠傑／黎彼得

   ＊香港o的飛仔打劫好新潮
     o下o下都出o的怪招
     出親街金錶火鑽好招搖
     最怕有咁o岩得咁橋

   ＃你實在要請保鑣　諸君咪話無聊
     若係有o左保鑣　你會無晒騷擾

     一枝公煲煙睇戲好他條
     會有把刀仔插腰
     書院女青春可愛好嬌嬈
     抨佢上車一於照標

     重唱　＃

   ＋古裝片都講o的保鑣
     四處押貨戰血染山腰
     替顧客消災　威名遠耀

   ％家陣o的摩登保鑣
     個個搏殺對你更關照
     你要坐穩轎　請番個摩登保鑣

     重唱　＃,＋,％,＊,＃

     摩登保鑣　無晒騷擾 (x2)
     摩登保鑣

     十個女仔 - 許冠傑 
     曲︰許冠傑
     詞︰許冠傑／黎彼得

   ＊十個女仔　九個認細
     明明係老　佢話唔係
     三張幾o野　紮起辮仔
     青春美麗　就冇失禮

   ＃十個女仔　九個浪費
     時時換季　已係成例
     身光頸靚　襯起好睇
     錢亂咁FING　為顧身世

     十個女仔　九個實際
     人人恨嫁　富裕門第
     小妹選婿　要講家底
     屈居妾侍　亦冇乜計

   ＋望女仔續個睇眼厲厲　〔眼厲厲〕
     燕瘦環肥大細樣樣齊　〔樣樣齊〕
     男仕實在要感激上帝　〔HALLELUJAH〕
     皆因女仔使你意亂情迷

     十個女仔　九個話咪
     明明係制　猛話唔係
     想討好佢　老鼠拉龜
     一咪作狀　扮哂矜貴

     十個女仔　九個玉砌
     情懷善變　確係文藝
     郁Ｄ都會　發起啷o黎
     一出眼淚　就要安慰

     重唱　＋,＊,＃

     亦冇乜計　為顧身世 (x3)

     麻雀耍樂 - 許冠傑 
     曲︰RUSSELL
     詞︰許冠傑／黎彼得

   ＊留二索扣六索　一摸三七索
     再卒一九五八　認真POP
     求六索上二索　認真化鬼學
     諗起卡窿o岩o岩一講就o黎
     轉o下手摸一索　等黐三索
     甩o岩七索叫六九索
     求六索有六索　敲崩檯角
     呢鋪真係代表作

     最鬼憎係屋企咁寂寞
     去搵腳兩頭騰　成日頻撲
     砌幾圈我身心最快樂
     無本我照落埸　打親梗係主角

     甩到手軟起哂泡　兼側側膊
     將o地骰仔猛咁卜　頭又重氣又CHOK
     口乾頸渴　幾大死做死搏

     叫碗粥　打通宵再直落
     唷o地o野定定神　疲倦唔覺
     咬口煙　拿鋪牌猛咁度
     個袋帶定藥油　一於搵命仔搏

     甩到手軟起哂泡　兼側側膊
     整包花生猛咁剝　人人食到滿地殼
     好似七國　打得真係爽咯

     重唱　＊

     瑪莉，我好鐘意妳 - 許冠傑 
     曲︰T.ROMEO
     詞︰許冠傑

   ＊打開我本日記　由前頭讀落尾
     無時唔提及妳
     次次喫飯嫌魚腥雞冇味
     運動又冇心機　時時圍住唱機
     首首歌都點俾妳

     數理化唔願理　頻頻留堂罰企
     見妳放學擒擒青仆崩個鼻
     但係重笑咪咪　黐黐地由妳起

   ＃瑪莉　我好鐘意妳
     妳妳妳　要有心理預備
     因為我決心追瘦妳
     妳妳妳　莫逃避

     依家我含住被　仍然懷念著妳
     每晚兩點搭四
     我會發夢全海灘得我地
     踏住浪跳飛機　手拖手食個梨

     重唱　＃

     我要幾大幾大追到妳　決意厚面皮
     日日夜夜搏命纏妳
     一於死NGAI死LUR三覆被
     冇晒法就賴死

     重唱　＃,＊,＃,＃

     PRETTY WOMAN - 許冠傑 
     曲︰R.ORBISON／J.MELSON／R.B.RUSH
     詞︰許冠傑

     PRETTY WOMAN　俾足一百分
     PRETTY WOMAN　呢種款邊處搵
     PRETTY WOMAN　佢Ｔ恤短褲　貼實個身
     我打雀咁眼　夾肉緊

     PRETTY WOMAN　幾大都要跟
     PRETTY WOMAN　我好比鬼上身
     PRETTY WOMAN　妳孤單一個　怕未結婚
     小生今年也未結婚　〔o岩o岩好啦〕

     PRETTY WOMAN　香噴噴
     PRETTY WOMAN　我手震震
     口乾心跳　我實在情難自禁
     PRETTY WOMAN　妳請等等
     PRETTY WOMAN　我小姓尹
     瀟灑英俊我o地直頭合襯

     跟妳遇上　我真夠運
     可否約定妳　去新界食龍躉

     PRETTY WOMAN　佢終於肯轉身
     PRETTY WOMAN　我即刻抽晒筋
     PRETTY WOMAN　佢眳痏歪嘴個鼻崩
     一碌起雙眼似林亞珍

     唉　衰運
     點解會跟正個鬼驅人
     實在佢正面要倒扣廿分
     呢一趟捉錯o左用神
     破壞氣氛

     唉　認真破壞氣氛
     唉　今次黑過黑面神
     哦　PRETTY WOMAN

     跟佢做個FRIEND - 許冠傑 
     曲︰許冠傑
     詞︰許冠傑

   ＊FRIEND FRIEND FRIEND 跟佢做個FRIEND (x4)

     跟佢做個FRIEND　驚都咪駛驚
     我要執得好正　著靚衫反起領
     UN o下 UN o下似足撐艇

     跟佢做個FRIEND　把口要好聽
     讚佢生得好靚　對佢打雀咁眼
     拖到手仔我就靈

     認真"手羅"命　認真"手羅"命
     愈見得多佢佢愈正
     買隻戒指鑲番粒鑽石　唔話佢聽
     認真"手羅"命　認真"手羅"命
     問我點解冇放大鏡
     唉　佢話嫌細夾阻佢DENG

     跟佢做個FRIEND　FRIEND過打BAND
     佢唱歌聲好靚　我結他甩o左柄
     兩個跳舞認真搶鏡

   ＃跟佢做個FRIEND　驚親兩份驚
     有雨楂緊遮柄　咪個沙煲亂掟
     知己可以做成

     認真"手羅"命　認真"手羅"命
     愈見得多佢佢愈正
     教佢"手查"車搵戲o黎做　除笨有精
     認真"手羅"命　認真"手羅"命
     望見Ｄ彎佢猛亂掟
     唉　我連隨嗌阿媽救命

     跟佢做個FRIEND　WALKMAN兩份聽
     去咖啡灣撐艇　再轉車出粉嶺
     兩個喫晒一打西餅

     重唱　＃

     有雨楂緊遮柄　咪個沙煲亂掟
     知己可以做成

     重唱　＊

     浪子心聲 - 許冠傑 
     曲︰許冠傑
     詞︰許冠傑／黎彼得
     編︰鮑比達

     難分真與假　人面多險詐
     幾許有共享榮華
     簷畔水滴不分差

     無知井裡蛙　徒望添聲價
     空得意目光如麻
     誰料金屋變敗瓦

   ＊命裡有時終須有
     命裡無時莫強求

     雷聲風雨打　何用多驚怕
     心公正白璧無瑕
     行善積德最樂也

     重唱　＊

     人比海裡沙　毋用多牽掛
     君可見漫天落霞
     名利息間似霧化
     君可見漫天落霞
     名利息間似霧化

     阿郎戀曲 - 許冠傑 
     曲︰羅大佑
     詞︰許冠傑

     水汪汪的黑眼睛　笑態多親善
     你面容上的改變　腦裡未移遷
     輕飄飄的舊時日　悄悄的飛逝
     數載如夢煙般消　回首那堪計

   ＊風瀟瀟的漫長路　你隻身飄零
     仍在尋覓你蹤影　杳杳像流星
     黑漆漆的孤枕邊　記你的溫柔
     破曉乍醒多空虛　難可再擁有

   ＃抬頭遙望天邊隱隱見那倦鳥返家
     你可會像它不久便再歸家
     但願重拾美麗往昔再見你一面
     一生匆匆怎捨浮雲和藍天

   ＋淒清清的秋雨點　再碰我窗前
     你別離後的轉變　我永是魂牽
     孤單單的身影中　那痛苦失落
     永不咎往昔恩怨　情於你心托

     重唱　＊,＃,＋

     永不咎往昔恩怨　情於你心托