許冠傑

     心裡日記 - 許冠傑 
     曲︰許冠傑
     詞︰林振強

     夜之中　喜愛倚星塵
     重頭重讀我的心裡日記
     遲遲才去睡　原因每日都有你

   ＊你是我全部往昔往年
     也是我來日每一天
     這日記由從前寫到目前　篇篇是愛言

   ＃愿心中那日記　隨年變厚
     而當中的角色　從無分手
     齊編織歡笑聲　和諧詩篇
     為彼此抹掉愁　是暖的手

   ＋愿心中那日記　長年暖透
     藍灰灰的冷冬　黃黃的秋
     而當中的兩顆　紅紅的心
     在戀火裡逗留

     人海中　只愛你一人
     為何如是我不需說道理
     旁人難細讀　藏於我內心那日記

     重唱　＊,＃,＋,＃,＋

     封佢做偶像 - 許冠傑 
     曲︰許冠傑
     詞︰許冠傑

     佢搽到滿身香　o的指甲又吋半長
     動作扭擰態度似個姑娘
     喜歡對鏡猛自我欣賞
     佢成日挽住化裝箱　啐到塊面似隻無常
     服裝怪異格調夠晒東洋
     一身基佬既扮相

   ＊人o地叫佢做基佬祥　基佬祥
     佢總冇怕疑相　由得你o地唱
     抵封佢做偶像　AH HA
     抵封佢做偶像　AH HA

     佢同個密友叫PAUL LEUNG　鐘意結伴晒太陽
     泳褲重幼過跳艷舞既姑娘
     甫士最正志在搏影相
     佢成日買定兩包薑　走去嘆午夜場
     習慣貢夜店　活躍歡場　睇o岩邊個就上

     重唱　＊

     佢話無謂替我緊張　只因冇你o地咁正常
     我自細就有著這種傾向
     喜歡既o野你未會欣賞
     人在世就快會幾張　眨o下眼就要散場
     就要放盡快活過一場
     駛乜驚你o地唱

     重唱　＊,＊

     抵封佢做偶像　AH HA (x2)

     春夢良宵 - 許冠傑 
     曲︰LOBO
     詞︰許冠傑

     見你咁靚真銷魂　我已變到瘟瘟燉
     瀝瀝鶯聲真嬌艷　但願共結好鶯盟

     快快去到妹跟前　我眼跳腳軟似觸親電
     雙雙傾心偷偷望　互遇恨晚始相見

   ＊BABY　今宵相對共享
     翩翩起舞共唱　春風吹進羅帳
     BABY　今宵相對共享
     翩翩起舞共唱　與你相親真歡暢

     痛痛快快真一流　你既愛意我心消受
     千金一刻享春夢　共度十世都不夠

     重唱　＊,＊

     天才白癡錢錢錢 - 許冠傑 
     曲︰許冠傑
     詞︰許冠傑／薛志雄

   ＊成日要錢多　〔錢錢錢錢　錢錢錢錢〕
     幹水乜都渦　〔錢錢錢錢　錢錢錢錢〕
     借錢最折墮　〔錢錢錢錢　錢錢錢錢〕
     爬低危契哥　〔錢錢錢錢　錢錢錢錢〕

   ＃貧賤拗頸多　〔NO MONEY NO TALK, NO MONEY NO TALK〕
     生仔都諗過　〔NO MONEY NO TALK, NO MONEY NO TALK〕
     阿女嗌肚餓　〔NO MONEY NO TALK, NO MONEY NO TALK〕
     屋租都要拖　〔NO MONEY NO TALK, NO MONEY NO TALK〕

     有乜會令你心花怒放
     諗得多卒之梗癲癲喪喪
     有o左佢就算打跛雙腳都冇相干
     冇得擋　冇得擋

     重唱　＊,＃

     有錢確係會少咁Ｄ罪案
     駛乜衰到通街偷搶騙當
     冇o左佢就算包公都由你嗌冤枉
     懶得講　懶得講

     重唱　＊,＃

     大家跟住唱 - 許冠傑 
     曲︰許冠傑
     詞︰許冠傑／黎彼得

     大眾踩單車郊野上　良朋共享身心舒暢
     互愛坦率相向　何必多o野想
     大眾野火會山領上　油油綠草天生天養
     漫舞輕歌　可以大家跟住唱

   ＊時時要玩番下　駛乜心都傷
     日日要喜洋洋　無謂咁緊張
     時時要輕鬆下　將清福享
     日日笑口如常　就更加會命長

   ＃啦啦啦啦啦啦　啦啦啦啦啦啦
     啦啦啦啦啦啦　啦啦啦啦啦啦
     時時要輕鬆下　將清福享
     日日笑口如常　就更加會命長

     就算有心想搵對像　何妨互相走入情場
     共你一雙一對　攜手映o下相
     瀑布水花高飛百丈　潺潺自晌音韻悠揚
     綠野青山嚮遍　大家跟住唱

     重唱　＊,＃

     日日笑口如常　就更加會命長

     重唱　＃

     鬼馬大家樂 - 許冠傑 
     曲︰溫拿／黃霑
     詞︰許冠傑／黎彼得

     〔香港交通歌〕
     今朝塞到依家　把幾火想爆炸
     拽油抽筋掃波牙　恰眼訓就梗聽瓜
     香港交通最丟架　一講起都怕怕

     今朝搵到依家　通街捐窿窿罅罅
     終於吼倒個METER　一試又係橫咖啦
     香港車位夠羞家　想搵位一早要霸

     無謂CHOK住晒鬼氣　交通差多多說話
     有理　冇理　抄o左先啦
     發告票　理得佢　最多公價

     〔醫生頌〕
     世界上有幾百樣人　只發醫生一個
     無論我點肚餓　無論我點折墮
     終歸要醫好痛楚

     世界上有幾百樣人　只信醫生一個
     成日替我檢驗　成日替我搞掂
     一朝到晚維護我

     你對佢多多講o野　根本當唱歌
     佢照顧你今生今世
     你見佢多　收錢更多

     世界上有幾百樣人　只有醫生一個
     能為我出力　能令我瓜直
     始終永遠陪伴我

     〔點解要擺酒〕
     點解要擺酒　亂咁曬錢冇理由
     人人為飲一杯酒　累到夫妻一世憂

     點解要擺酒　恨我整濕o左個頭
     求人度水搵幫手　月尾薪金起勢扣

     "手查"杯酒共渡患難　通台走做阿茂
     實係日後我與你　做到獅子咁既口

     點解要擺酒　望見張單報曬仇
     難為自己一雙手　預算開支點會夠 (x2)

     〔拍拖安全歌〕
     天黑出街有排慌　拖友專興四圍蕩
     一味疏肝　見賊佬梗生TONG
     打鈴記住兩頭望

     雖則公園有人看　看得幾看佢又暈浪
     血影刀光　冇命仔真冤枉
     拖友切勿四圍蕩

     咪魯莽學人亂撞　遇著爛鬼盞剝清光
     摑兩摑跟手綁幾綁
     凶夾狠　隨時條命喪

     乖女喜歡曬月光　家長擔心到傻戇
     劫匪凶悍　歎治安真不當
     警方掃蕩靠謀望

     追求三部曲 - 許冠傑 
     曲︰許冠傑
     詞︰許冠傑／黎彼得

     面撞面個妹釘帖確係人省鏡
     望落順眼風姿綽藥夠標青
     冒昧問句小姐你係叫乜名
     HELLO 一聲 ALRIGHT 搞掂實靈擎

     密密預藥海邊搏命齋撐艇
     漫步綠柳花間結伴行山頂
     會麵食o野三更半夜去餐廳
     西裝筆挺衫領乾淨執到正

   ＊佢尊翁綽號包頂頸　〔三寸釘〕
     屋企住茶果嶺　〔瓦封嶺〕
     見我口輕輕　當我花靚倞
     實在阿啦面幪兼心精

   ＃但願做對鴛鴦結合查篤撐
     二萬賀禮鮑參翅席嫌錢腥
     另外又要親戚派十擔西餅
     一聽驚驚今次整定煲要掟

     重唱　＊,＃

     一聽驚驚今次整定煲要掟

     財神到 - 許冠傑 
     曲︰許冠傑
     詞︰許冠傑／黎彼得

   ＊財神到　財神到　好心得好報
     財神話　財神話　搵錢依正路
     財神到　財神到　好走快兩步
     得到佢睇起你　你有前途

     闔府慶新歲　喜氣盈盈
     齊賀你多福蔭　壯健強勁
     又祝你今年　慶獲榮昇
     朝晚多多歡笑　錦繡前程

     願夫婦恩愛　體貼入微
     成日有吉星照　百事無忌
     共親友相見　說話投機
     充滿新春喜氣　歡暢揚眉

     重唱　＊

   ＃啦啦啦　啦啦啦　啦啦啦啦啦
     啦啦啦　啦啦啦　啦啦啦啦啦
     財神到　財神到　好走快兩步
     得到佢睇起你　你有前途

     賀所有鴛侶　花結並頭　〔結並頭〕
     還望各位工友　百業成就　〔有成就〕
     大家冇爭鬥　快樂無憂　〔樂無憂〕
     聽只歌輕鬆嚇　拋卻恨愁

     重唱　＊,＃,＊,＊,＃

     大眾慶新春　望財神到

     擦鞋仔 - 許冠傑 
     曲︰倫永亮
     詞︰黎彼得

     係係係日夜猛吠　扮嚇矮仔行乜計
     望清楚擦慨對像　落力擦靴講手勢
     你鬥氣全無實際　棧得你氣壞個胃
     擦擦擦搖頭擺髻　無謂計地位

   ＊係係係日夜拜跪　事宜暢通講交際
     易辦事就要虛偽　局住要頸燈蕊咐細
     有個性前程盡廢　o個陣你喊亦無謂
     有性格豪門自閉　咪賴時運太滯

   ＃出力擦　分分鐘都採用心理攻勢
     出力擦　分分鐘不浪費全憑造詣
     出力擦　分分鐘將樹枝變o左玉桂
     出盡力擦　求名利償志願
     望有天一朝威威

     重唱　＊,＃,＃,＃

     兩個寂寞人 - 許冠傑 
     曲︰許冠傑
     詞︰許冠傑

     從前是一個我　落拓消極人
     迷途在黑暗裡　始終都孤影隻身
     同樣地一個你　共我人海裡互引
     涼冰冰的世界　如今皆因我倆
     變得暖熏熏

   ＊今晚這個世界
     已經減少兩個寂寞人　啊
     與你共抹失意淚痕
     倍覺舊創傷全沒要緊

   ＃今晚這個世界
     已經減少兩個寂寞人　啊
     與你讓晚風襟裡慘
     浪漫情詩首首押著韻
     齊共醉夜雨中　挽手飛奔
     癡癡抱緊

     從前未找到你　日子多灰暗
     柔情目光照亮我　此刻感光輝遍心
     唯求共處永遠　共你情心永互印
     童話般境界裡　留低歡欣腳印
     每天也繽紛

     重唱　＊,＃,＊,＃

     搵野做 - 許冠傑 

     從前有個人叫莫大毛
     日日攤響屋企等米路
     神神化化作風虛無
     又唔願剃鬚　〔從成日去賭〕

     窮途意冷走去問前途
     但願仙家指點三兩度
     如何有法變得富豪
     望黃大仙能預告　〔呢枝簽話呢〕

   ＊拿拿聲即刻走去搵做
     人必須知道自己既用途
     唔去奮鬥　人咪望有酬勞　〔NO NO NO NO〕
     想搵錢應該快手 COME ON LET'S GO

   ＃著著聲即刻走去搵做
     人必須旨意自己創路途
     快去奮鬥　你實會攀得高
     你要坐BENZ靠自己個腦

     連隨悔覺好個莫大毛
     立業興家終於走正路
     榮華富貴靠刻苦耐勞
     漸漸年事已高　〔成就更高〕

     同時見個仔阿莫二毛
     日日攤響屋企等米路
     連隨秤佢起身搏命熬
     話黃大仙曾預告

     重唱　＊,＃,＊,＃,＊

     飲勝 - 許冠傑 
     曲︰許冠傑
     詞︰許冠傑／黎彼得

     飲勝　飲勝　大眾飲杯勁
     將所有事當係零　個腦就平靜
     飲勝　飲勝　就冇心火盛
     公司既事要暫停　興到就盡情

   ＊整多兩PEG　加塊冰　模杯底論事情
     講女人　傾馬經　開心飲杯勝

     飲勝　飲勝　大嗌急口令
     亂講說話最忘形　有錯亦唔認
     飲勝　飲勝　大跳扭扭擰
     七分醉扮有二成　認真高鬼興

     重唱　＊

     飲勝　飲勝　亂咁通街FING
     灣仔當係秀茂坪　我腳步唔定
     飲勝　飲勝　仲有些少剩
     LUI馬路當露營　車瓜都飲勝

     飲勝　飲勝　就冇心火盛
     拋開怨恨唱莫停　世界就和平

     應該要自愛 - 許冠傑 
     曲︰許冠傑
     詞︰許冠傑／黎彼得

   ＊人埋沒了天才　生趣問何在
     萬勿再等待　年齡難復再
     唔係到將來　空添憤慨
     須緊記　呢句話　應該要自愛

     無謂再癡呆　祇顧現在
     實在你心內　才華無限載
     誰願意將來　餐餐喫白菜
     不長進　空悔恨　應該要自愛

   ＃你有呀天才　佢有呀天才　應該要自愛
     人人立志休悲哀　怨恨拋腦外
     各有呀天才　趁有呀天才　必須要自愛
     紅桃綠柳春花開　皆因灌溉

     人入了棺材　福蔭尚存在
     受惠既一代　才明瞭大概
     傳落去將來　好比接力賽
     諗真o下　呢句話　應該要自愛

     重唱　＃,＊,＃

     咪當我老襯 - 許冠傑 
     曲︰J.LEIBER／M.STOLLER
     詞︰許冠傑／黎彼得

     過o下SHOW HAND啤癮　我博殺認真KUNK
     你DUM雞咩　冇要緊
     最怕你出老千　想搵我笨
     咪當我老襯

     佢有舖偷雞癮　嚇到我週身震
     博我KUM　我最MUNG
     索性SHOW曬冷　底牌要問
     咪當我老襯

     我自信最有賭品　夠曬斯文
     撞正鬥氣冤家　一於忍忍忍忍忍忍

   ＊四五"手查"起手震　博有啤好MUN
     點知跌只三　又脈只二
     送尾起只煙添　認真夠運
     咪當我老襯 (x4)

     重唱　＊

     十個八個SHOW HAND　要靠手神
     撞正有對手牌　幾大跟跟跟跟跟跟

     立曬身心興奮　笑到屋都震
     佢發曬MUNG　面似灶君
     我殺到佢清曬倉　七瘟八燉
     咪當我老襯 (x4)

     那裡是吾家 - 許冠傑 
     曲︰許冠傑
     詞︰許冠傑／黎彼得

   ＊足跡遍天下　看透異國繁華
     桃源仙境似夢呀　也始終找不到吾家
     安居似虛話　遠處密罩雲霞
     何時一朝見霧化　子孫歡笑艷陽下

   ＃啊　萬千燈火透廣廈
     啊　那裡是吾家

     重唱　＃,＊,＃,＃