黎彼得

     腐朽化神奇 - 許冠傑 
     曲︰許冠傑
     詞︰許冠傑／黎彼得

     點解冇心機　成日自己谷氣
     郁下就要死　話冇存在趣味
     猛鬧唔合理　成日WUN o向屋企
     充滿自卑心理　冇晒癮鬼咁悲

   ＊駛乜冇心機　其實做o左鄉里
     不要自欺　就有存在趣味
     切勿忘記　前路每多生機
     祗要立心爭氣　你會向高處飛

   ＃人生難免多傷悲　何必呼天搶地
     人生猶如做緊戲
     NG o左 TAKE TWO o黎過
     就腐朽化神奇

     重唱　＊,＃,＃

     NG o左 TAKE TWO o黎過
     就腐朽化神奇

     MONICA - 張國榮 
     曲︰NOBODY
     詞︰黎彼得
     編︰黎小田

   ＊妳以往愛我愛我不顧一切
     將一生青春犧牲給我光輝
     好多謝一天妳改變了我
     無言來奉獻　柔情常令我個心有愧

   ＃THANKS THANKS THANKS THANKS MONICA
     誰能代替你地位

   ＋妳以往教我教我戀愛真諦
     只可惜初生之虎將妳睇低
     好多謝分手妳啟發了我　祈求原諒我
     餘情隨夢去妳不要計

     重唱　＃

   ％呵　想當初太自衛
     呵　將真心當是偽
     呵　當光陰已漸逝
     方知它珍貴　妳已有依歸
     負了妳錯愛　此美夢永遠藏於心底

     重唱　＊,＃,＋,＃,％,＃,＃,＃

     尖沙咀SUZIE - 許冠傑 
     曲︰許冠傑
     詞︰許冠傑／黎彼得

     有佢咁靚時冇佢咁夠盞
     尖沙咀SUZIE　點止咁簡單
     樣貌與身材　GOOD FIT夾耀眼
     想搵多個都幾難

     佢o下o下要有型個性最好玩
     出名鍊車王o向青山鬥片彎
     日日喫幾籠蝦餃當食晏
     思想開放　好識嘆

   ＊尖沙咀SUZIE　駛乜憂兩餐
     佢老竇勤力慣
     o向街巿賣鴨蛋
     尖吵咀SUZIE　屋企多靚衫
     橙溝綠　米襯藍
     套套惹火搶眼

   ＃佢碰見猛男對眼會猛咁眨
     風騷兼銷魂乜都笑一餐
     密密去DISCO　通宵到達旦
     攬身攬勢都好閒

   ＋有佢咁野蠻冇佢咁夠膽
     尖沙咀SUZIE　死都拗番生
     但望亞SUZIE　光陰咪亂散
     青春一去空悲嘆

     重唱　＊,＃,＋

     打雀英雄傳 - 許冠傑 
     曲︰劉杰
     詞︰許冠傑／黎彼得

     六嬸　三太公
     大眾開檯喇面似蓮蓉
     又放工　打餐懵
     圍埋砌幾圈　論呀論英雄
     誰是大英雄　〔大英雄！〕

     六手　〔上！〕
     三隻東　〔碰！〕
     度到o岩呢　三吊二五六筒　〔死啦！〕
     截正糊　〔噓〕　真陰功
     「騰騰」震呀　嬲到面呀面都紅

     上下家　搏晒懵
     依呀鬆鋼眨眉眨眼打籠通
     係咁鬆　正衰公
     丫難為「乙水」仔會浸呀浸蛟龍

     亂咁質　真勢兇
     學到足　關帝坐鎮華容
     恨滿胸　裹蒸粽
     「UP UP」貢　好似大呀大燈籠

     大相公　小相公
     遇老千　Ｄ張法亂晒大籠
     食詐糊　包出沖
     「乙水乙水」轉　好似大呀大灰熊

     執左位　起過風
     移燈換凳洗手食煙「熨」櫃桶
     轉下運　哈哈　確唔同
     丫連除喫幾鋪　我露呀露歡容

     混一色　碰七筒
     一KARN白板發財做眼槓紅中
     六八筒　叫卡窿
     丫原來咁鬼橋佢係呀係七筒

     崛尾龍　〔上！〕
     起勢攻　〔碰！〕
     大四喜渣晒南北西東　〔死啦！〕
     做牌　講天聰
     頻頻滿糊　我做呀做英雄
     時勢做英雄　〔大英雄！〕

     梨渦淺笑 - 許冠傑 
     曲︰許冠傑
     詞︰許冠傑／黎彼得

     梨渦淺笑　可知否奧妙
     寂寞心鎖暗動搖
     魂消魄蕩身飄渺
     被困擾　怎得共渡藍橋

     梨渦輕照　映出花月調
     但望相看慰寂寥
     時刻與共享分秒
     願折腰　今生效同林鳥

   ＊梨渦淺笑　似把君邀
     綺夢輕泛浪潮
     春宵猶未覺曉

   ＃梨渦雖俏　悲歡竟逆料
     樂極痴戀變恨苗
     情絲寸斷一朝了
     夢已消　花依舊玉人杳

     重唱　＊,＃

     夢已消　花依舊玉人杳

     有酒今朝醉 - 許冠傑 
     曲︰美國民謠
     詞︰許冠傑／黎彼得

     童年就八歲　多歡趣　見到狗仔起勢追
     爺爺話我最興嗲幾句　買包花生卜卜脆
     跳o下飛機　街邊玩o下水
     爺爺重教我講呢一句　有酒應該今朝醉 (x2)

     行年十八歲　懶風趣　有名高級徒置區
     求其係派對仆倒去　見到咬嗚都請佢
     咪個謙虛　幾大充有水
     連隨問o下佢幾多歲　有酒應該今朝醉 (x2)

     行年廿八歲　金翡翠　鬢影衣香拖靚女
     同埋趙阿翠　雙雙對　結果卒之娶o左佢
     以為歲晚煎堆　點知雀聲跟o左老許
     無謂問過去　盞心碎　有酒應該今朝醉 (x2)

     行年六十八歲　腰骨都脆　阿o既風濕中氣衰
     人o地窒兩句　濕濕碎　我都o骨聲吞o左佢
     嘆o下雙蒸　打牌抽o下水
     回頭望過去　始終個句　有酒應該今朝醉 (x2)

     LA... 有酒應該今朝醉 (x5)

     第一次 - 張國榮 
     曲︰HARUOMI HOSONO／MASAO URINO
     詞︰黎彼得
     編︰黎小田

   ＊獨自困惑心中有結你要讓我知
     求你休遲疑　講出你心裡事
     盡量暗示心中有刺你要讓我醫
     一生際遇　樂與苦必須經過第一次

   ＃不快樂　怎解決一切事
     放開隔膜與矜持
     你不應幼稚　愛這一個字
     孕育著無限意義

   ＋難求緣份至　難求全合意
     始終都有第一次
     何妨平淡試　何妨全力試
     不要問我非與是

     重唱　＋

   ％願你疑慮盡釋
     奉獻出第一次

     重唱　＊,＃,＋,＋,％,＋,＋

     願你明白是非
     奉獻出第一次

     學生哥 - 許冠傑 
     曲︰GOLDSTEIN
     詞︰許冠傑／黎彼得

     學生哥　好溫功課
     咪淨係掛住踢波
     最幣肥佬o左　冇陰公囉
     同學亦愛莫能助

     學生哥　好咪書囉
     咪日夜掛住拍拖
     顧住十幾科　科科喎
     面懵懵一肚火

   ＊螞蟻亦要搵o野食
     唔做事確係冇益
     少壯就要多努力
     來日望自食其力

     學生哥　要思己過
     唔係第日悔恨更多
     人之初　應知錯
     唔自立就會捱餓

     重唱　＊

     學生哥　一個個
     我o地日日記住隻歌
     人多多　RE ME RE DO
     齊合力唱詠同和

     天邊一隻雁 - 譚詠麟 
     曲︰歷風
     詞︰黎彼得

     抬頭望天邊一隻雁　撩動我感觸滿心間
     寧願做天邊一隻雁　唔願著西裝與恤衫
     忘盡了緊張社會鬥爭多險惡
     拋開世俗既悶煩　穿梭宇宙雲霧間

   ＊能做到天邊一隻雁　長日對碧海與青山
     才明白天邊一隻雁　無伴侶開解太孤單
     懷念到繽紛社會始絡多可愛
     悲哀快樂有循環　當然有直有轉彎

   ＃我亦唔係懶　我熱情無限
     當我領略到　天邊一隻雁
     實實在在做人未晚
     漸漸日日受人頌讚　稱讚　稱讚

     重唱　＊,＃

     唔羨慕天邊一隻雁　期望有秋收靠春耕
     唔願做天邊一隻雁　回復我新生瞬息間
     懷念到繽紛社會始終多可愛
     悲哀快樂有循環　當然有直有轉彎
     心底幻象已消散　消散　消散 (x4)

     賣身契 - 許冠傑 
     曲︰許冠傑
     詞︰許冠傑／黎彼得

     蘇蝦仔未出世　都去搵玉皇大帝
     聽佢講番Ｄ世俗條例
     嚦起張賣身契　豈勢咁擰頭擰髻
     好坐低聽孤家講出一切

     喂　我要你架勢　你梗一家富貴
     我發起啷o黎　會將你墊屍底　認真巴閉
     簽番張賣身契　〔賣身契〕
     攪掂筆入境費　〔仲要洗禮〕
     咁蘇蝦仔至准出世

     蘇蝦仔大個o左啦喂　識拍拖學人o地曳
     一次偷雞喊亦無謂
     番香閨論婚禮　俾八姑窒頭窒勢
     好女婿　呢單認真襟計

     喂　你咪當免費　走精面咪制　〔咪制〕
     我聽錢駛　你好挖倉底　重要三牲酒禮
     簽番張賣身契　〔仲要屋契〕
     攪掂筆外母費　〔杰過西米〕
     咁蘇蝦仔至准出世

     香港地為生計　乜野都受人限制
     睇報紙多多制度條例
     加差餉電費水費　Ｄ"食送"乜愈來愈貴
     恩愛夫妻都頂心頂肺

     喂　咪太過閉翳　訓醫院更貴　〔太貴〕
     養班馬騮仔　有苦暗啞抵　仲要交足書簿費
     一張張賣身契　〔賣身契〕
     枕住咁累你一世　〔做到甩肺〕
     唉　總之一句柯彌吉帝　〔柯彌柯彌吉帝〕

     一張張賣身契　〔賣身契〕
     枕住咁累你一世　〔做到甩肺〕
     唉　總之一句柯彌吉帝o羅　前世

     佛跳牆 - 許冠傑 
     曲︰BLACKWELL
     詞︰許冠傑／黎彼得

   ＊咁o岩又茶樓齊共上　良朋談動向
     花雕DEP幾兩　閒來尋樂暢
     叫煲佛跳牆〔佛跳牆〕
     "火文"得咁鬼香

     計起就完全唔係貴　翅肚能潤肺
     鮑參"火文"光雞　髮菜同玉桂
     配料落到齊〔落到齊〕
     認真無得揮

   ＃肚佬黎　倒眼輝
     潺仔威　軟腳龜　o黎擦啦喂

     夾起呀連隨搽辣醬　確係怡神顏又養
     一於搵手搶　完全唔異相
     有福大家享〔大家享〕
     駛乜咁緊張

   ＋成班友　一咪啄
     含含〔擒擒〕聲　一咪啄
     唔怕肚漲

     重唱　＃,＊,＋

     佛跳牆〔佛跳牆〕
     "火文"得咁鬼香
     見到佛跳牆〔佛跳牆〕
     鬼都要裝香
     正宗佛跳牆〔佛跳牆〕
     "火文"得咁鬼香
     見到佛跳牆〔佛跳牆〕
     鬼都要裝香
     超級佛跳牆〔佛跳牆〕
     "火文"得咁鬼香
     見到佛跳牆〔佛跳牆〕
     鬼都要裝香

     加價熱潮 - 許冠傑 
     曲︰DE KNIGHT-FREEDMAN
     詞︰許冠傑／黎彼得

     你怕我怕個個怕　煙加酒加屋租加
     巴士加　的士加　多士芝士乜都加
     加加加加加加

     糖又加　鹽又加　成日咁加
     任佢話　其實無它　你住人屋宇下
     佢梗收買路錢　挪兩咋
     買佢怕　買佢怕　要加就加　總之慣啦

     牛油又加　蠔油又加
     燃油又話每卡七個六　其實無它
     佢石油多到極　可惜真金白銀貶晒值
     無法啦　無法啦　佢加就加　都由佢啦

     紅荳沙　茶葉渣　全部要加
     慘到極　陀累全家　靠份糧點夠食
     卒之榨到豉油都無滴
     夠啦卦　夠啦卦　咪枕住加　喂好啦卦

     時時話加　年年話加　無盡咁加
     趕到絕　求助哪吒　我望能生對翼
     即刻飛上月球　再搵過飾
     冇有怕　冇有怕　佢加就加　拜拜啦

     加加加　加加加加加 (x2)
     我怕怕　我怕怕怕怕怕
     加加加　加加加加加
     我怕怕　我怕怕怕怕怕
     加加加　加加加加加

     人人話加　頻頻話加
     成日咁加　任佢話　其實無它
     我做人多說話　o係Ｄ加價熱潮風氣下
     八下卦　八下卦　發起爛渣　谷鬼氣嗎

     摩登保鑣 - 許冠傑 
     曲︰許冠傑
     詞︰許冠傑／黎彼得

   ＊香港o的飛仔打劫好新潮
     o下o下都出o的怪招
     出親街金錶火鑽好招搖
     最怕有咁o岩得咁橋

   ＃你實在要請保鑣　諸君咪話無聊
     若係有o左保鑣　你會無晒騷擾

     一枝公煲煙睇戲好他條
     會有把刀仔插腰
     書院女青春可愛好嬌嬈
     抨佢上車一於照標

     重唱　＃

   ＋古裝片都講o的保鑣
     四處押貨戰血染山腰
     替顧客消災　威名遠耀

   ％家陣o的摩登保鑣
     個個搏殺對你更關照
     你要坐穩轎　請番個摩登保鑣

     重唱　＃,＋,％,＊,＃

     摩登保鑣　無晒騷擾 (x2)
     摩登保鑣

     十個女仔 - 許冠傑 
     曲︰許冠傑
     詞︰許冠傑／黎彼得

   ＊十個女仔　九個認細
     明明係老　佢話唔係
     三張幾o野　紮起辮仔
     青春美麗　就冇失禮

   ＃十個女仔　九個浪費
     時時換季　已係成例
     身光頸靚　襯起好睇
     錢亂咁FING　為顧身世

     十個女仔　九個實際
     人人恨嫁　富裕門第
     小妹選婿　要講家底
     屈居妾侍　亦冇乜計

   ＋望女仔續個睇眼厲厲　〔眼厲厲〕
     燕瘦環肥大細樣樣齊　〔樣樣齊〕
     男仕實在要感激上帝　〔HALLELUJAH〕
     皆因女仔使你意亂情迷

     十個女仔　九個話咪
     明明係制　猛話唔係
     想討好佢　老鼠拉龜
     一咪作狀　扮哂矜貴

     十個女仔　九個玉砌
     情懷善變　確係文藝
     郁Ｄ都會　發起啷o黎
     一出眼淚　就要安慰

     重唱　＋,＊,＃

     亦冇乜計　為顧身世 (x3)

     麻雀耍樂 - 許冠傑 
     曲︰RUSSELL
     詞︰許冠傑／黎彼得

   ＊留二索扣六索　一摸三七索
     再卒一九五八　認真POP
     求六索上二索　認真化鬼學
     諗起卡窿o岩o岩一講就o黎
     轉o下手摸一索　等黐三索
     甩o岩七索叫六九索
     求六索有六索　敲崩檯角
     呢鋪真係代表作

     最鬼憎係屋企咁寂寞
     去搵腳兩頭騰　成日頻撲
     砌幾圈我身心最快樂
     無本我照落埸　打親梗係主角

     甩到手軟起哂泡　兼側側膊
     將o地骰仔猛咁卜　頭又重氣又CHOK
     口乾頸渴　幾大死做死搏

     叫碗粥　打通宵再直落
     唷o地o野定定神　疲倦唔覺
     咬口煙　拿鋪牌猛咁度
     個袋帶定藥油　一於搵命仔搏

     甩到手軟起哂泡　兼側側膊
     整包花生猛咁剝　人人食到滿地殼
     好似七國　打得真係爽咯

     重唱　＊